Bəxtiyar Hacıyevi gənclər arasında tanımayan çoxdur. Mən Bəxtiyar Hacıyevlə virtual olaraq tanışam. Bəlkə tanımaq istərsiniz(məncə tanımalısınız) deyə yazıram. “Kimdir axı Bəxtiyar Hacıyev” sualını verənlər üçün:
Aktivist, AIESEC Azərbaycanın qurucusu, ABŞ-ın Harvard universiteti məzunu və 2010-cu il noyabrında Parlament seçkilərində deputatlığa namizəd olub.

“Bunu başa düşdük, bəs niyə həbs olunub?”- deyənlər üçün: Bəxtiyar Hacıyev 4 mart 2011-ci ildə sosial şəbəkələrdə etiraz aksiyalarına virtual dəstəyinə görə həbs olunub. 2011-ci ilin 18 mayında isə onun barəsində “hərbi xidmətdən yayınma” ittihamı ilə 2 illik həbs qərarı verilib. Amnesty International və bir sıra beynəlxalq təşkilatlar tərəfindən “Vicdan Məhbusu” adını alıb

Hər birimiz kimi Bəxtiyar Hacıyev azərbaycanlıdır. Gəncdir. Öz vətənini xaricdə təmsil etdiyi kimi, ölkəsinin daxilini də fərqli, daha demokratik görmək istəyən gəncdir. Həmin gənclərdən biridir. Digərləri kimi bu əqidəsinə görə dəmir barmaqlıqlar arasına göndərilənlərdəndir. Bunu da deyim..

Dünən statusları oxuyan bir qrup yoldaşım Bəxtiyar Hacıyev kimdir sualını verdi. Bəzən evdəkilər də Bəxtiyar Hacıyevin kimliyini və həbs səbəbini soruşur. Qondarma ittihamı onlara izah etməyə çalışıram. Hər kəs tanımalıdır məncə.

Bəxtiyar Hacıyev, Azərbaycanı,  onun gənclərini, süst, zavallı, kimlərəsə itaət göstərən biri kimi görmək istəmədiyi üçün həbs olundu. Perspektivli, fərqli baxış bucağı olduğu üçün həbsə atıldı. Onunla dialoqa gedə bilməyən və çarəni qondarma həbs qərarında görən despotlar tərəfindən ittiham olundu. Harvardı bitirmiş bir gəncin ölkəsinə gələn kimi qondarma ittihamla həbs olunması, dövründə yaşadığımız rejimin intellektə, biliyə, bunlar bir kənara GƏNCLİYİMİZə verdiyi yüksək dəyərin göstəricisidir. Eləcə də digər məhbuslara..

Bunu görməzdən gəlmək haqsızlıqdır. İstər YAP üzvü olsun, istər digərləri. Bu məsələyə soyuq yanaşmayaq. Varlığımızı həm rejimə, həm də Bəxtiyar Hacıyevə göstərməliyik. Bəxtiyara dəstək üçün əlinə silah alıb kimisə öldürmək və qışqırmaq tələb olunmur. Virtual aksiyada iştirak üçün bu linki:http://www.bakhtiyar.info/ paylaşa bilərsiniz. Twitterdə isə: https://twitter.com/supportHajiyev profilindəki tweetləri retweetləyə bilərsiniz. Sadəcə  günün yarısını sərf etdiyimiz sosial şəbəkələrdə  ”Bəxtiyar Hacıyevi azad edin!” yazısını statusunuza yazıb post edin. Fərqli rəsmlərdən də istifadə edə bilərsiniz.  Ən azından bunu edə bilərsən əziz dost!

Harvardı bitirən gənci həbsə atan bir rejim, BDU, ADPU  kimi universitetlərdə təhsil alanları da həbs edər. Necə ki, edir. Bizim borcumuz gəncləri həbsə atanlara öz etirazımızı bildirməkdir. Bəxtiyar Hacıyev kimi gənclər bu ölkəyə gərəkdir!

” Qiraətçi ” romanının müəllifi çağdaş alman yazıçısı Bernhard Şlinkdir. Roman qırxdan çox dilə çevrilib və beynəlxalq bestseller kimi tanınır. Romanın yarısını (1-137 səh) azərbaycan dilinə Ferican Quliyeva, digər yarısını isə (137-228 səh) yazar Cəlil Cavanşir çevirib. Tərcümə yaxşı alındığına görə hər ikisinə də təşəkkürlər…

      ” Qiraətçi “nin dili çətin deyil. Əsərdə cərəyan edən prosesləri qiraətçinin özü danışır. Qiraətçi (oğlan) yaxşı nəql etdiyi üçün, ya da tərcümə yaxşı alındığı üçün roman müsbət təsir bağışladı. Əsərin mövzusu, 15 yaşlı məktəbli oğlanla (qiraətçi), qatar stansiyasında konduktor işləyən 36 yaşlı qadın arasındakı məhəbbətdir.

      Eşqdən, ilahi məbbətdən bəhs edən, sentimental kitablardan elə də xoşum gəlmir. Elə də yox, əməlli başlı xoşlamıram. Düzü, bu tip romanları oxuyanda özümü evdə qalmış və intim münasibətlər haqda kitab oxuyan qızlar kimi hiss edirəm. Azərbaycanlı qızların əksəriyyəti, bu mövzuda daha çox Varisin kitablarına üstünlük verirlər. Belə baxanda Varisdən başqa tanıdıqları bir yazar da yoxdur.

Romanın mənə adi görünməsinin səbəbi bəlkə də oxuyarkən beynimə gələn ilk mənzərənin və sifətlərin maraqsızlığıdır. Bu mövzuda beynimi günahlandırıram.

      Mən romandan çox, ” Qiraətçi “nin filminə baxmağa üstünlük verərdim. Oxumayanlar üçün romanla kiçik tanışlıq: Məktəbli oğlan evə gələrkən soyuqdəymənin təsirindən halı pisləşir. Bəhs olunan qadın (Hanna) onu öz həyətinə gətirir. Əl-üzünü yuyub, ona toxtaqlıq verir.

Sağalandan sonra oğlan qadına təşəkkür etməkçün onun mənzilinə gəlir. Gəlir, gəlir, gəlir…Artıq dərsdən çıxdığı vaxtlar qoynuna qaçacaq bir qadını olduğu üçün özünü xoşbəxt hiss edir. Bir neçə vaxtdan sonra artıq oğlan mənəvi olaraq tamamilə qadına bağlanır. Qadınla yatmaq həyat qayəsinə çevrilir.

Yəni, ortada, ” İki gəncin toqquşması, qızın kitablarının yerə dağılması, daha sonra oğlanın qıza kitablarını yığmaqda kömək etməsi və elə oradan başladı” deyə bir situasiya yoxdur.

     - “Vannada yuyunmaq, sevişmək və vannada uzanmaq ənənəmizi davam etdirirdik. Ona (Hannaya)” Hərb və Sülhü ” oxuyurdum. Tolstoyun tarix, görkəmli şəxsiyyətlər, Rusiya, sevgi və ləyaqət haqqında düşündükləri bu kitabda idi “. Hannanın oxuma- yazması  yoxdur. Amma o qiraət dinləməyi sevir. Buna görə də oğlanla hər yatdıqdan sonra qiraət oxumağı ondan tələb edir. Oğlan sadəcə oxuma-yazması olmayan qadına qiraət oxuyur. Oğlanın qadına hiss etdikləri uşaqkən hamımızın yaşadığı ” Həvəskar eşq “dən başqa bir şey deyil yəni…

       II-ci hissədə Hanna törətdiyi, yaxud törətmədiyi əməllərə görə mühakimə olunur. Əsas odur ki, o ittiham olunanlar arasındadır. Əsərdə nasistlərə də toxunulub. O dövrün insanı insanlıqdan kənar bir varlığa çevirdiyi situasiya belə nəql olunur: ” Konslager dəhşətlərini yaşayan, qaz kameraları və krematoriya sobalarındakı ölənlər bu hadisəni bir neçə dəfə görən insan üçün adiləşir. Bu, həyat fəaliyyətini minimuma endirir, insan bivecləşir, daşlaşır və laqeyd fərdə çevrilir. Romanda nasistlərin insanlığı qoyduğu vəziyyət  daha gözəçarpandır.

       Əsərin sonunda 18 illik məhkumluqdan sonra Hanna intihar edir. Və qiraətçi onun vəsiyyətinə əməl edir. Mən romanı oxudum. Adi eşq romanıdır.

Qeyd: Səh. 12-də birinci abzasın son cümləsi: “məni dördüncü mərtəbəyə- frau Şmitsin yanına göndərdi” və səh.26-da: “Çox istəyirdim ki, pillələri qalxan adam 3-cü mərtəbədə yaşamasın (frau Şmitsin evi nəzərdə tutulur)” Texniki səhf var romanda.

       Bu günlərdə ” İrani-nov ” və onunla həmfikir olan mətbuat bəzi cahillərin hücumuna məruz qalmışdır. Bu da bizi düşündürdü ki, görəsən camaat niyə belədir? Niyə görə onlar həqiqətin acılarına dözə bilmirlər? Niyə bu qədər həyəcan keçirirlər? Bu suallar barədə düşündüyüm zaman uşaqlıq aləmindən bir hekayət yadıma düşdü.

      Təxminən 7-8 yaşlarında idim. Qızılca xəstəliyinə tutulmuşdum. Atam-anam böyük təlaşla məni yatırdılar. Mən heç nə bilmirdim. Qızdırma içində yanırdım. Atam demişdi ki, mənə at südü versinlər. Adətən bütün qızılcaya tutulanlara at südü verirlər. Mən isə onlardan su istəyirdim. Lakin vermirdilər. Buna görə də mənim onlardan acığım gəlirdi. Onları özümə düşmən hesab edirdim. Fikirləşirdim ki, onlar mənə əziyyət vermək istəyirlər. Anam mənə lətifə söyləyərək aldadıb madyan südünü içirmək istəyirdi. Bu isə mümkün olmurdu. Mən başa düşüb hirslənirdim, çığırırdım ki, niyə mənə su vermirsiniz?

      At südü içməməkdə o qədər inad edirdim ki, hətta gecə yatanda da fikirləşirdim ki, gərək ehtiyatlı olam, birdən mənə at südü içirmək istəyərlər.

      Bir dəfə gecəyarısı yuxudan durdum. Çıraq da yox idi. Su istədim. Stəkanı mənə verdilər. Qaranlıqda ehtiyatla öz-özümə dedim ki, ola bilər onlar mənə su əvəzinə at südü verərlər. Stəkanı götürüb bir qədər işıqlı olan o biri otağa keçdim. Baxıb gördüm ki,  süddür, məni aldatmaq istəyirdilər. Stəkanı atdım. Bu işi təşkil etmiş atam əsəbiləşdi. Mən boğazım tutula-tutula ağladım, atamın məhəbbətindən məyus oldum.

      Qəribədir, əgər at südü qızılca xəstəliyinə xeyirlidirsə mən niyə belə inad edib içmək istəmirdim. Çünki, uşaq idim, xeyrimi bilmirdim, dostlarımı düşmən hesab edirdim. Əgər o zaman mənə pislik edib bir hovuzun başına aparıb desəydilər ki, nə qədər bacarırsan iç: mən onda razı qalıb onları özümə həqiqi dost hesab edərdim.

      Bəşər övladlarının bir hissəsi də indi uşaqlıq dövründədir.

NİŞ. “İrani-nov” N188 (26 aprel 1910)

Daşkənd Dövlət İnstitutunun tələbələr

      Həmin bu “Əxlaq Kodeksi”-də salamlaşmaq, universitet daxili problemlərin kənarda danışılmaması, internetnetdən istifadə məhdudiyyətləri filan yer alıb. Bir sözlə tələbələrin daxili həyatına belə senzura qoyulub. Sənəd sahibləri,  ”Bu,  tələbələrin pis yola düşməsinin qarşısını alır, onları alkoqolizm və narkomaniya, o cümlədən dini ekstremizm və kütləvi mədəniyyət təhdidlərindən qoruyur” kimi “bəşəri” arqumentlər gətiriblər.  Analoqsuz bu sənədə etika təliminin banisi Aristotelin yaşadığı “rəhmət “adlı məkandan cavab gəlib. Aristotel bu qərarın Qafqaza da şamil olunmasının vacibliyini vurğulayıb.

Mahiyyətcə Özbəkistandan elə də fərqlənməyən ( vahid ideologiya, milli-mentalitet və s.) Azərbaycan hakimiyyəti də qərarı gözdən keçirib və icrasına qərar verib. Belə ki, “Yap və İrəli üzvü olmayan qalmayacaq” devizi ilə kütləvi şəkildə üzvlüyə başlanıb. Yapın icra katibi Əli Əhmədov da tələbələrin öz səmərəli vaxtlarını AFU, BJM və digər masson təşkilatlarında keçirməmək üçün bu addımı atdıqlarını bildirib. O, milli mentalitetinə sadiq qalaraq bu sözünə: “Ölünü özbaşına qoysan kəfəni batırar” misalını arqument gətirib. Yeni sənəddə tələbələrin sosial şəbəkələrdə status yazmaq, mitinqə və müxalifətin təşkil etdiyi forumlara qatılmaq, fikir azadlığı hüququ əlindən alınıb. Əli Əhmədov Avropada camaatın limitsiz azad yaşadığını bildirib. O, Avropanı əxlaqsızlıqda günahlandırıb. Avropanın çıxış yolunu Azərbaycan mentalitetinə sarılmasında görüb. Azərbaycanın qədim oğuz yurdu, kişilər yurdu olduğunu bildirib. Təhsil naziri Misir Mərdanov isə təhsilimizdə Özbəkistan modelinin  alternativsiz ” Demokratik sənəd ” olduğuna valideynləri inandıra bilib. Vətənə və millətə xeyirli olsun deyək!

     “O” nu ilk dəfə efirdə görmüşdüm. “Baba” deyildiyindən, şaxta baba olub-olmadığını atamdan soruşanda, “O da bizim ümummilli şaxtababamızdır” demişdi. Onun, ağ saqqalı, qırmızı rəngli şalvar və kürkü, nə də çomağı yoxdu. Amma  ” xalqım ” adlandırdığı toplumun üzərinə qısqırdacaq polis işçiləri vardı(indi də var). “O” beynəlxalq konfranslarda çıxış edər, Novruz bayramı kosa ilə yumurta döyüşdürərdi. Amma nədənsə həmişə o, qalib olardı.

P.S: Kosanın necə həyəcan keçirdiyini indi başa düşürəm. “O”nun yumurtası qırılar və kosanın nəslini qazıyarlar deyə:)

    Bu Heydər babanın bəzən hansısa neft zavodunda oğlu ilə birlikdə üzünə neft yaxdığı da olurdu. (Bunu əvvəl nəcis zənn edərdim ) Bəzən “o”, bizim şəhərə gələrdi. “Ümummilli Şaxtababa”nın qara rəngli limuzinlə cəmi 10 saniyəlik saymazyana keçməsi naminə 1 saat əvvəldən məktəb direktoru başda olmaqla yol kənarına düzülərdik. Məktəb direktorunun əmri idi: Kim nalayiq söz işlətsə, etiraz etsə, şəxsi işinə töhmət yazılacaq.

      Bu minvalla digər uşaqlar kimi mənim də alt şurumda toxunulmaz “Heydər baba” obrazı yaranmışdı. Gülməli olsa da havada təyyarəni gördüyümüz anda “Heydər Baba, Heydər baba” deyə qışqırardıq o vaxtlar. Sonda, onun ölüm xəbərini sinifdə eşitmişdim. Bütün müəllim heyəti həmin gün öz dərslərini bu mövzu üzərində qurmuşdular. Riyaziyyat müəlliməm tarixi bilmədiyi halda 1988-90 cı illərdən danışmağa çalışırdı. Hərdən də güclə gözündən yaş gətirirdi ki, bu da çox gülməli görünürdü. P.S: Müəlliməmin nələr çəkdiyini indi anlayıram Müəllimlər arasında hönkür-hönkür ağlayanları da vardı. Həmin gün “O” nu anmaq üçün kitab rəfimin üzərinə, sinif otağından götürdüyüm “Heydər baba” rəsmini yapışdırmışdım.

       Sonralar “Ümummilli Şaxtababa”nın ənənəvi şaxtababadan fərqli tərəflərini anlamağa başladım. Misal üçun, 1. Ənənəvi şaxtababa insanlara xoş təəssürat bağışlayır, ümummilli isə öz undergroun çomağı ilə xalqına zərər verərdi. 2. Bu şaxtababanın hər yerdə heykəl və şəkilləri var. Şaxta baba adına məscid, hamam, spa salonu belə var. 3. Tarixdə baş verən bütün hadisələr yerli-yersiz onun adına yazılır. (Bəzən şübhələnirəm Çaldıran döyüşündə də Sultan Səlimin qələbəsinin səbəbi odurmu?!) 4. Ənənəvi şaxtababanın dövründə(qışda) təbiətdə canlıların sərbəst toplaşmaq hüququ var. O isə xalqına bu imkanı tanımazdı. 5. Əsl Şaxtababa təbiət tərəfindən 3 fəsildən bir seçilir, daha sonra isə ədalətli olaraq öz yerini digərlərinə verir. Çünki belə olmasa inkişaf olmazdı. Qış  fəslinin hakim olduğu cəmiyyət hansı təsiri bağışlayardı? Şaxta baba və onun fəsli (rejimi) ümummilli faciəyə çevrilərdi yəqin. Gözəl deyə biləcəyimiz hər şey çirkin olardı.

      Qış nağılının birinci abzası sonda “Ümummilli Şaxtababa”nın ölərkən öz yerini oğlu Santamilliyə miras qoyması ilə bitdi. Bu davranışı ilə təbiət qanunlarına (respublikaçılıq nəzərdə tutulur) dönük çıxan şaxta baba cəmiyyətdə irsi hakimiyyət və dolayısına avtoritarizm mədəniyyətini formalaşdırdı. Bu gün təhsil müəssisələrində uşaqların alt şüurü bu cür formalaşdırılır. Bu dəfə isə Santamilliyə sitayişlə…

Qeyd: Yazıda,  ”Ümummilli” istisna olmaqla bütün qeyri-milli şaxta babalardan üzr istəyirəm.

Bu ifadələr Bakı Metropolitenində unikaldır. Bildiyiniz kimi gediş haqqı da qaldırıldı. Zorlanmaqda davam edirik. Kalafaya dönmüşük artıq. Bir iki virtual aksiya keçirildi, amma bir effekti olmadı. Şəhər əhli 0.00 Aznlik xidmət görmədiyi metroda, gediş haqqının 0.20 Aznə qalxmasını çox sakit qarşıladı. Amma, gəlin, “asi” düşməyək, kafir olmayaq! Başımızı aşağı salıb işimizdə olaq.

Metropolitendən danışırdıq. Rəisindən tutmuş, işçilərinə qədər mədəniyyətdən bixəbər adamlar vətəndaşlara ” xidmət ” göstərir. Ən unikal stansiyalarda tıxaclar yaranır. Üç ekskalatorun cəmi ikisi işləyir. Biri sərnişinləri yuxarı, digəri də aşağı sürüyür. Simiclikdən, üçüncünü işə salmırlar. Səbəb? Əşi, onsuzda bəhanə var. Biz dözümlü xalqıq!

P.S: Məncə, ” dözümlü xalqıq ” ifadəsi öz fahişəlik və yaltaqlıqlarını bu ifadə altında gizlədənlərə məxsusdur. Xüsusən, özlərini ” ziyalı ” adlandıranların sözüdür.

Mən ” 20 yanvar ” stansiyası tərəfdə qalıram. Səhər, saat 8:00. “20 Yanvar” stansiyası rəngsiz, qap-qara geyinmiş və fikir vermisinizsə, sifətlərindən vəhşilik, etiraz yağan vətəndaşlarla doludur. Zombilər qatar gözləyir. İnsanlara baxsanız, onların hamısının ürəyi doludur. Həqiqi deyirəm. Üzlərdəki bu etiraz isə kasıbçılığın, sındırılmağın və qanı sovrulmağın əlamətidir. Qap-qara geyimin səbəbi isə mentalitetdə, yəni ” Kişi qara geyinər, kişinin rəngi qaradır ” düşüncəsindədir. Bu ” məncə ” lərə aiddir.
İnsanların geyimi, bir-birilərinə nifrətlə baxması, ümumiyyətlə stansiyanın yaratdığı abu-hava depresiyaya düşmən üçün bir zəmin rolunu oynayır. Stansiyaya daxil olursan… Alaqaranlıq, rəngsiz, qanı, nifrəti özündə əks etdirən ” 20 Yanvar ” stansiyası, sənin ” Yeni günə başla ” ovqatını məhv edir. Qılınc rəsmi, hüzn abu-havası səni əzir. Təssəvver edin, kiçik bir uşaq, bu stansiyaya girsə hansı duyğular oyanar onda?

Stansiya bütün mənfi enerjini özündə cəmləyib. Vətəndaşlarla metroya minməksə lap dəhşətdir! Hər kəs sanki öz içindəki rejimə, haqsızlığa etirazını metroda bildirir. Bu dirənişi bir-birilərinə göstərir. Mədəni görünməyə çalışan ” qız uşaqları ” və qadınlar elə itələşirlər ki, gəl görəsən. ” Biraz ortaya keçin dəəə ” ifadəsi də çox islənir. Unutmuşdum sadəcə ). Bu müqavimətdən aldığım situasiya: Biz metroda vətəndaş oluruq. Bu dirənişi qadınlı-kişili polisə göstərsək bəlkə də ” İnqilab ” illuziyası artıq reallaşmışdı.

Qeyd: Yazıda 3 mövzunu bildirmək istəmişəm

1. Xidməti 0.00azn, qiyməti 0.20 azn metromuz

2. Metropolitenə daxil olarkən yaranan acı təəssürat

3. Xalqımızın dirəniş qabiliyyətinin hələ də mövcudluğu (baxmayaraq ki, metrodan o tərəfə keçmir hələ ki )) )).

Təhsil görmədikləri halda illik ödəniş kimi 650 AZN ( bu ildən 1300 azn ) ödəyən, kitabxanasından yararlana bilməyən tələbələr ADPU-nun bu YAPlaşdırma kampaniyasına görə çox sevincliydilər. Sanki, bir rahatlıq, bir sevinc hissi onları bürümüşdü. Gələcəkdə vəzifə tutacaqlarına əmindirlər! Təki olsun!

Məni maraqlandıran bəzi məsələləri burada yazacam. İstər oğlan, istərsə qız olsun ” Biz siyasətə qoşulmuruq ” deyən tələbələri YAPa yazılan görmək gülməlidir. Bəhanə gətirənlər çox oldu.  Kimisi: ” Mən praqmatik yanaşıram. Və gələcəkdə xalqa xeyirli bir iş görməkçün yazıldım “. H. adlı grup yoldaşım ( başqa vaxt ədalətli və hər şeyə din prizmasından yanaşan biri ) , yazılmadığı halda vəsiqənin ona verildiyini, amma onunçün fərqi olmadığını dedi və vəsiqəni cibinə qoydu . O, birisi özünün vətəndaş olaraq süründüyünü etiraf etdi, daha sonra isə öz fikirlərinə qlobal don geyindirərək bütün dünyanın bu vəziyyətdə olduğunu iddia etdi. İqtidarı tərifləyərək, müxalifəti ” Qərbin mason təşkilatları ” nın fitvasına uymaqda ittiham etdi.

Hə! Onu deyim ki, bitərəflərin acığına vəsiqədəki YAP simvolunu öpən də oldu Bu qədər paradoksun içində ağlımı itirmədiyimə sevinirəm. Birdə ki, heç bir bitərəf tələbə  mübahisə yaratmadığı halda bizim YAPçılar ” özünə bəraət ” sindromu yaşayırdılar.

Aprel aksiyaları zamanı polis bir gəncə deyir ki, siyasətə qoşulmasın, başqa işlə məşğul olsun. Bəs onda universitetə qəbul olunan zaman bizi siyasətə qoşmalarına nə deyək?! Niyə grup rəhbəri YAPa üzvlük üçün siyahı tutur? Siz ki siyasətə qoşulmamızı istəmirsiz!

YAP gənclərnin Sovet dövrü pionerləri ilə müqayisəsi maraqlıdır. Pionerlər, əvvəlcə komsomol deyilən qurumda olur, sonra isə Kommunist partiyasına yazılır. Daha sonra isə psevdo-aktivlik göstərir və sonda yağlı bir vəzifə əldə edirlər. Amma partiya dağıldığı zaman ” müstəqil olduq! ” deyə ilk partbiletlərini atan onlar olmuşdur. Eyni prosedur təkrarlanır. Təkrar biliyin anasıdır axı!

YAP öz monarxiyasını vəsiqəsində belə göstərməkdən çəkinməyib. YAP simvolunun ağac olması. Yəni, biz məmləkətə kök salmışıq və ucqarlara qədər hər yan bizimdir! VƏ vəsiqənin arxa tərəfindəki H.Əliyev aforizmi: Yeni Azərbaycan Partiyası dünənin, bu günün və gələcəyin partiyasıdır.

Ən sonda mən, bağçadan Heydər baba şeiri ilə start götürən, məktəbdə bayramlar və kitablarla beyni yuyulan, universitetlərdə isə üzərində cərrahiyə əməliyyatı başa çatdırılan təbliğat qurbanlarına ( gənclərə ) dərin hüznlə BAŞSAĞLIĞI verirəm. Axirətdə (İnqilabdan sonra ) görüşmək ümidi ilə!

Əslində, ictimaiyyətdə SEKS sözünü işlətməkdən çəkinmək, özünü SEKS sözündən utanan kimi göstərmək və işləndiyi zaman gülmək, özü bir ədəbsizlik və mental həyasızlıqdır. Məncə çıxış yolu kimi bu sözdən çəkinilən məkanlarda sözü daha da aktuallaşdırmaqdır. SEKS sözünə münasibət barədə bəzi lətifərimi sizə təqdim edirəm.

” Mentalitet TV “-də Uroloq F.  müəllim SEKS sözü işlətdiyi üçün birinci yarım dəqiqədə efirdən qovuldu! TƏRBİYƏSİZ!

Bakı şəhəri, Yasamal ray. Təsbeh küçəsində  cinayət hadisəsi baş verib. Qızlar arsında SEKS sözü işlətdiyi üçün Tibb fakultəsinin məzunu İntim həkim, ” məhləuşaqları ” və ” yaxşı oğlan ” lar tərəfindən təsbehlə sındırılıb, daha sonra isə 69 ( seksual rəqəm ) nayihədən bıçaqlanıb.

Gəncə şəhərində şəxsi obyektinin üzərinə ” GİPS SEX ” i yazılan qocanın meyidi SEXin həyətindən tapılıb.

Otağa daxil olan ana qızının ” Seksual bakirəlik ” haqda verilişə baxdığını görür.  Şüvən ana ” Qızını döyməyən, dizini döyər ” məsəlini əsas tutaraq qızını yun çubuğu ilə çırpıb.

Facebookda N. isimli oğlan N. isimli qızla söhbətində SEKS kəliməsini işlətdiyi üçün qarşı tərəfdən aldığı reaksiya: Tərbiyəsiz!  Mən sənin bildiyin qızlardan deyiləm! Mənim ailə tərbiyəm belə danışıqlara yol vermir! Ged özüvü dola! P.S: Bu hadisə mənim başıma gəlib. 

Həkim öz xəstəsinə SEKSual həyatı barədə sual verdiyi üçün, xəstə anasının çanta zərbəsinə məruz qalıb. P.S: Xəstənin cinsi, qız olub.

Bu qədər. Bu yazını yazıb rahatlamaq istəyirdim.

Qeyd: Bu yazıya görə məni qınayanlar münasibət bildirə bilərlər. Hər kəsə yaxşı orqazmlar diləyi ilə digər yazılarda görüşənədək!

* İnsan öz həyatını bütün rəng və çalarlarla zənginləşdirməli, lakin xırda şeylərlə beynini doldurmamalıdır. Detallar həmişə banaldır./O.Wilde/ Məhəbbət iki insan arasında keçirilən “ kim daha çox sevir ” adlı yarışmadır./Stendal/ Bəlkə də altıncı hissi ilə həyatın pusquda dayandığını və böyüyəcəyi təqdirdə ona daha ağır zərbələr endirəcəyini başa düşür.

* Azərbaycanlı təbiətə düşən kimi həmin andaca beynində arxetipik istirahət obrazı canlanır, özünü kababa hazırlayır, təbiət isə elə-belə…istirahətin anturajına, fonuna çevrilir. Azərbaycanlıların ənənəvi həyat tərzində hansısa mutasiya baş verib, nəticədə də mentallığın təbiətlə mənəvi simbiozu pozulub, yaşayış mühitinə qarşı cazibə hissi onlarda ölüb…

* Xalqın dərdlərindən, problemlərindən uzaq olan rusdillilər- cəmiyyətdə polifaniyanı, fərqli düşüncəni imitasiya etdikləri; mütaliəyə erudisiyaya iddialı olduqları və rusdilli olmayanları buna inandıraraq, onlarda kompleks yaratdıqları üçün iyrəncdirlər. Ölkədə tüğyan edən cinayətlərə səssiz səmirsiz tamaşa etmək yolunu seçdikləri üçün idbardırlar.

Bir gün əzəmətiniz yerlə yeksan olunacaq.

* ”Mən siyasətdən uzağam” deyən bu əbləhlərin (rusdillilər)əslində nəzərdə tutduğu budur – “ Mən köləyəm! Mən qorxağam. Vəziyyət məni qane edir. Təki mən salamat olum. Vətəndaş mövqeyi olmayan, statuskvoya təslim olan, hakim dairələrin həndəvərində fırlanan adam, istərsə yüz dəfə intellektual olsun- beləsinin sivil, demokratik cəmiyyətlərdə zərrə qədər də dəyəri yoxdur.  Onlar mentallığı özlərinə jilet bilib, hamı bir nəfər kimi “ Padşaha qeyri şərtsiz itaət ” düsturuna əməl edirlər. Rusdillilərin nəzərində, sistemə müxalif olan, meydanlara çıxan, üsyan edən azərbaycandilli gənclik çuşqadır, hətta əlahəzrəti bəyənmədiyinə görə- xaindir.

* İctimai rəydir, vətəndaş mövqeyidir- bunlar kapitalist cəmiyyətlərə xas olan, bizim kimi natural təsərrüfatla idarə olunan, feodal beyinli məxluqlarda görünməyən hadisədir.

* Hər şey elə anidən baş verdi ki, dönüb ətrafdakılardan ” bu ac, qəzəbli insanlar hardan çıxdı? ” soruşmağa macal tapmırlar. Bu xalq da bir gün belə ayağa qalxacaq. Bu meydana çıxan hər bir kişinin övladı, valideyni ilə fəxr edə bilər.

* Gündüzlər hamı eynidir- hərə öz proqramına uyğun rolunu icra edir- gülümsəyir, deyib-gülür, savaşır, sevişir. Gecələr isə masqalar düşür sifətlərdən. Dünyanın bütün gözəllikləri tamamilə yeni, çox fərqli bir qiyafədə qarşımızda durur.

* Romanlarda, kinolarda ayrılan sevgililərin bir-birilərinə xoşbəxtlik arzulamasından əttökən heç nə yoxdur. Yalandır! Ağ yalandır! Ayrıldığı sevgilisinə başqası ilə səadət arzulayan adam ya saxtakardır, ya da debil. Əslində ikisi də eyni poxdur. Bir qadın gedəndə saxsıdakı çiçəklərin suyu da unudulur, evi toz basır, hörümçəklər gündə bir tor qurur.

* Bu hakimiyyət atanızın dili ilə bizə nə deyir? : Qərb demokratiyası bizlik deyilmiş, buna xalq da hazır deyilmiş, guya bizim böyük “milli-mənəvi dəyərlərimiz” varmış. Milli-mənəvi dəyərləri nədir bunların? Rüşvət, ağa-nökər münasibəti, yaltaqlıq. Azərbaycanlı üçün milli-mənəvi dəyərlər hər şeydən, o cümlədən demokratiya və azadlıqdan da üstündür. Ölkəni kimin necə idarə etməsi onu maraqlandırmır. Bu xalqa toy, bakirəlik, nə bilim yengə-zad maraqlıdır.

* Bu xalqın köləliyinin qarantı olan bütün milli-mənəvi və dini dəyərlərin bir televiziyalıq canı var. Bircə həftə bütün telekanallar Avropa dəyərlərindən, liberalizmdən danışsa xalq da tutuquşu kimi bunları təkrarlayıb, əməl edəcək. Azərbaycan kimi maariflənməmiş monarxiyanın hakimiyyətdə olduğu, total nəzarətin tüğyan etdiyi, müxalif fikrin yayılmasının qarşısını alan rejimlərdə azad düşüncəli insanlardan obyektivlik, tolerantlıq tələb etmək gülməlidir. Bu Zyklon B qazı ilə boğulan yəhudilərdən alman faşistlərini başa düşmələrini və obyektiv olmalarını istəməyə bənzəyir.

* Nə azərbaycanlıların, nə də dünyadakı heç bir xalqın, qövmün, tayfanın qanında rüşvət, yaltaqlıq, qorxaqlıq, avtoritarizm yoxdur. Qanın tərkibində zülal var, hormon var, eritrositlər var, leykositlər var, nə bilim trompositlər var. Qanda rüşvət, yaltaqlıq haqda tibb elminə heç nə məlum deyil.

* Şüurun, ağlın, ali duyğuların təslim olduğu, qarşısında diz çökdüyü yeganə substansiyadır şəhvət. Hər kəsin daxilində cinayət potensiyalı və bunu üzə çıxarmağa qadir bir qırılma nöqtəsi var. İnkardan bu qədər qorxmayın. İnkar təzələnməkdir, təmizlənməkdir. Oğuznamədə yazıldığı kimi ” inkar mübarəkdir “.

* Liberal dəyərlərin xristian dünyasında yayılması, insanlara azadlıq gətirməsi xristianlığın kilsəyə həbsi ilə mümkün oldu. İslam demokratiyası əslində dini diktatorluğun metodudur. Azadlıq liberalizmin mövzusudur. Dinlər Allah mərkəzlidir. Liberalizm isə insan mərkəzlidir. Demokratiya, onu məhv etmək istəyən qüvvələrin ondan yararlanaraq iqtidara gəlmələrinin qabağını almaq, özünü qorumaq haqqına malikdir.

* İrrasional olanla rasionalın toqquşması heç zaman nəticə verməyib, verməyəcək də. Allaha inanmaq inam məsələsidir- ya inanırsan, ya inanmırsan. Din də həmçinin- ya qəbul edirsən ya da etmirsən. Mövcud rejimdən narazı olsalar da çoxunun bu iyrənc rejimə müqavimət göstərəcək cəsarətləri, hətta şüurları yoxdur. Çarəni dinə sığınmaqda, Allaha ümid bağlamaqda tapırlar. Azərbaycanlıların dini milli olmasa da, milliliyi dinidir.  Xalqı uçuruma aparan, onu debilləşdirən mentalitetin də; ölkədə hakimiyyəti zəbt etmiş avtoritar Milli( Əliyev ) rejiminin də kökündə azərbaycanlıların şübhəyə, tərəddüdə qapalı olması, inkarçılıq damarının yoxluğu yatır.

* Xalq öz gücünə arxalanmalı, inqilabın resurslarını öz daxilində axtarmalıdır.

Özlərinə xeyir edən tərzdə hər şeyi planlaşdırıb, vətəndaşlarla mırt tutmaq çoxdanki ənənədi yəqin. BU QƏDƏR.
Qeyd: Yazını oxuyan şəxslər bilmirəm nə cür qarşılayar, bəlkə ucuzluq kimi qiymətləndirərlər Amma hər halda MƏN BELƏ DÜŞÜNÜRƏM. Tənqidi fikirləri olan hər kəs rəy bildirə bilər.